ਦਿਲ ਦੀ ਅਮੀਰੀ

 

ਹੰਢੇ ਵਰਤੇ ਸੂਟਾਂ ਬਦਲੇ ਨਵੇਂ ਭਾਂਡੇ ਵਟਾਉਣ ਦਾ ਹੋਕਾ ਦਿੰਦਾ ਹੋਇਆ ਉਹ ਜਦੋਂ ਕਸ਼ਮੀਰ ਕੌਰ ਦੀ ਕੋਠੀ ਮੂਹਰੇ ਅੱਪੜਿਆਂ ਤਾਂ ਅੱਗੋਂ ਕਸ਼ਮੀਰ ਕੌਰ ਨੇ ਦੋ ਸੂਟਾਂ ਬਦਲੇ ਇੱਕ ਲੋਹੇ ਦੀ ਛਾਨਣੀ ਪਸੰਦ ਕਰ ਲਈ..!ਉਸਨੇ ਅੱਗੋਂ ਏਨੀ ਗੱਲ ਆਖ ਤਿੰਨ ਸੂਟ ਮੰਗ ਲਏ ਕੇ "ਬੀਬੀ ਜੀ ਲੋਹਾ ਮਹਿੰਗਾ ਹੋ ਗਿਆ ਏ ਤੇ ਦੋ ਸੂਟਾਂ ਬਦਲੇ ਇੱਕ ਛਾਨਣੀ ਬਿਲਕੁਲ ਵੀ ਵਾਰਾ ਨੀ ਖਾਂਦੀ.."

ਕਸ਼ਮੀਰ ਕੌਰ ਅੱਗੋਂ ਪੈਰਾਂ ਤੇ ਪਾਣੀ ਨਹੀਂ ਸੀ ਪੈਣ ਦੇ ਰਹੀ ਸੀ..ਲਗਾਤਾਰ ਏਹੀ ਗੱਲ ਆਖੀ ਜਾ ਰਹੀ ਸੀ ਕੇ "ਵੇ ਭਾਈ ਜਦੋਂ ਦੇ ਸੰਵਾਏ ਨੇ ਉਂਝ ਦੇ ਉਂਝ ਹੀ ਤਾਂ ਪਏ ਨੇ ਨਵੇਂ ਨਕੋਰ..ਇੱਕ ਵਾਰ ਵੀ ਗਲ਼ ਪਾ ਕੇ ਨਹੀਂ ਵੇਖੇ..ਵੇਖੀਂ ਨਵਿਆਂ ਦੇ ਭਾਅ ਹੀ ਵਿਕਣਗੇ"

ਅਜੇ ਬਹਿਸ ਹੋ ਹੀ ਰਹੀ ਸੀ ਕੇ ਨੰਗ-ਧੜੰਗਾ ਨਿਆਣਾ ਚੁੱਕੀ ਅਤੇ ਪਾਟਾ ਪੂਰਾਣਾ ਜਿਹਾ ਸੂਟ ਪਾਈ ਇੱਕ ਜੁਆਨ ਜਿਹੀ ਔਰਤ ਨੇ ਆਣ ਕਸ਼ਮੀਰ ਕੌਰ ਅੱਗੇ ਹੱਥ ਅੱਡ ਦਿੱਤੇ..ਆਖਣ ਲੱਗੀ "ਬੀਬੀ ਜੀ ਜੇ ਕੋਈ ਬਚੀ ਖੁਚੀ ਰੋਟੀ ਹੈ ਤਾਂ ਦੇ ਦੇਵੋ..ਨਿਆਣਾ ਕੱਲ ਦਾ ਭੁੱਖਾ ਏ.."

ਕਸ਼ਮੀਰ ਕੌਰ ਨੇ ਉਸਦੇ ਸੂਟ ਅੰਦਰੋਂ ਦਿਸਦੇ ਅੱਧਨੰਗੇ ਸਰੀਰ ਵੱਲ ਘਿਰਣਾ ਜਿਹੀ ਨਾਲ ਵੇਖਿਆ ਤੇ ਫੇਰ ਛੇਤੀ ਨਾਲ ਅੰਦਰ ਜਾ ਡਸਟਬਿਨ ਕੋਲ ਕੁੱਤਿਆਂ ਬਿੱਲੀਆਂ ਜੋਗੀਆਂ ਰੱਖੀਆਂ ਕਿੰਨੇ ਦਿਨ ਪੂਰਾਣੀਆਂ ਦੋ ਬੇਹੀਆਂ ਰੋਟੀਆਂ ਲਿਆ ਉਸ ਵੱਲ ਇੰਝ ਵਧਾ ਦਿੱਤੀਆਂ ਜਿੱਦਾਂ ਕੋਈ ਬਹੁਤ ਵੱਡਾ ਇਹਸਾਨ ਕਰ ਦਿੱਤਾ ਹੋਵੇ..!

ਤੇ ਮੁੜ ਛੇਤੀ ਨਾਲ ਉਸ ਭਾਂਡਿਆਂ ਵਾਲੇ ਨੂੰ ਸੰਬੋਧਨ ਹੁੰਦੀ ਆਖਣ ਲੱਗੀ ਕੇ "ਵੇ ਭਾਈ ਫੇਰ ਕੀ ਸੋਚਿਆ ਈ ਤੂੰ..ਦੋ ਸੂਟ ਲੈਣੇ ਨੇ ਕੇ ਲੈ ਜਾਵਾਂ ਅੰਦਰ ਫੇਰ?

ਉਸਨੇ ਅੱਗੋਂ ਰੋਟੀਆਂ ਲੈ ਕੇ ਤੁਰੀ ਜਾ ਰਹੀ ਦੇ ਥਾਂ-ਥਾਂ ਟਾਕੀਆਂ ਲੱਗੇ ਸੂਟ ਅੰਦਰੋਂ ਝਾਤੀ ਮਾਰਦੇ ਅੱਧਨੰਗੇ ਸਰੀਰ ਵੱਲ ਪਿੱਛਿਓਂ ਸਰਸਰੀ ਜਿਹੀ ਨਜਰ ਮਾਰੀ ਤੇ ਕਾਹਲੀ ਜਿਹੀ ਨਾਲ ਆਖਣ ਲੱਗਾ "ਲਿਆਓ ਬੀਬੀ ਜੀ ਦੇ ਦੇਵੋ ਦੋ ਸੂਟ..ਤੇ ਆਹ ਲਵੋ ਆਪਣੀ ਛਾਨਣੀ.."

ਏਨੀ ਗੱਲ ਆਖ਼ ਉਹ ਛੇਤੀ ਨਾਲ ਨਿਆਣਾ ਚੁੱਕ ਤੁਰੀ ਜਾਂਦੀ ਵੱਲ ਨੂੰ ਹੋ ਤੁਰਿਆ..

ਬਿਲਕੁਲ ਕੋਲ ਜਾ ਹੇਠਾਂ ਉੱਤਰ ਸਾਈਕਲ ਸਟੈਂਡ ਤੇ ਲਾ ਦਿੱਤਾ ਤੇ ਕਸ਼ਮੀਰ ਕੌਰ ਵਾਲੇ ਦੋਵੇਂ ਸੂਟ ਉਸ ਨੂੰ ਫੜਾ ਦਿੱਤੇ..

ਮੁੜ ਲੰਮਾ ਸਾਰਾ ਸਾਹ ਲਿਆ ਤੇ ਪਿਛਲੀ ਗਲੀ ਨੂੰ ਹੋ ਅੱਖੋਂ ਓਹਲੇ ਹੋ ਗਿਆ..!

ਇਹ ਸਾਰਾ ਕੁਝ ਆਪਣੀਆਂ ਅੱਖਾਂ ਨਾਲ ਵੇਖਦੀ ਹੋਈ ਕਸ਼ਮੀਰ ਕੌਰ ਨੂੰ ਪਤਾ ਨਹੀਂ ਕਿਓਂ ਅੱਜ ਹਥੀਂ ਫੜੀ ਛਾਨਣੀ ਦੀਆਂ ਲੋਹੇ ਦੀਆਂ ਤਾਰਾਂ ਹੱਥਾਂ ਦੇ ਪੋਟਿਆਂ ਵਿਚ ਖੁੱਬਦੀਆਂ ਹੋਈਆਂ ਮਹਿਸੂਸ ਹੋ ਰਹੀਆਂ ਸਨ..!ਤੇ ਦੂਜੇ ਪਾਸੇ ਭਾਂਡੇ ਵੇਚਣ ਵਾਲਾ ਸਾਈਕਲ ਤੇ ਚੜਿਆ ਇੱਕ ਰੱਬ ਦੁਨੀਆਦਾਰੀ ਦੇ ਵਾਹੋਦਾਹੀ ਵਾਲੇ ਜੰਗਲ ਵਿਚ ਇੱਕ ਵੱਡਾ ਸੌਦਾ ਸਿਰੇ ਚਾੜ ਖੁਦ ਨੂੰ ਹਵਾ ਵਿਚ ਉੱਡਦਾ ਹੋਇਆ ਮਹਿਸੂਸ ਕਰ ਰਿਹਾ ਸੀ..!

ਦੋਸਤੋ ਕਿਸੇ ਨੇ ਬਿਲਕੁਲ ਸਹੀ ਆਖਿਆ ਏ ਕੇ "ਘਰ ਸੇ ਮਸਜਿਦ ਹੈ ਬਹੁਤ ਦੂਰ ਚਲੋ ਯੂੰ ਕਰਲੇਂ..ਕਿਸੀ ਰੋਤੇ ਹੂਏ ਬੱਚੇ ਕੋ ਹੰਸਾਇਆ ਜਾਏ"

Comments

Post a Comment

Popular posts from this blog

THE KINDNESS OF OUR EARTH

Image
ਪੰਜਾਬੀ ਅਨੁਵਾਦ:- ਸੋਚਣ ਦੀ ਗੱਲ ਹੈ ਇਹ ਧਰਤੀ ਜੋ ਸਾਨੂੰ ਜਿਉਣ ਲਈ ਸਾਹ,ਪੀਣ ਲਈ ਪਾਣੀ ,ਫਲ ,ਫੁੱਲ ,ਬੀਜ ਤੇ ਪਤਾ ਨਹੀ ਹੋਰ ਕਿੰਨਾ ਕੁੱਝ ਦਿੰਦੀ ਹੈ। ਗੱਲ ਤਾ ਸਾਡੀ ਹੈ  ਅਸੀ ਕੀ ਦਿੰਦੇ ਹਾਂ ਇਸ ਵਿਚਾਰੀ ਨੂੰ। ਧਰਤੀ ਤਾ ਕਦੇ ਨਹੀ ਮੁਕੇਗੀ ,ਮੁਕਦੇ ਤਾ ਅਸੀ ਹਾਂ ਜੰਮਦੇ ਤੇ ਮਰਦੇ ਵੀ ।       ਇਹ ਤਾਂ ਲੱਖਾਂ ਕਰੋੜਾ ਸਾਲਾ ਤੋਂ ਆਪਣਾ ਵਜੂਦ ਸਾਂਭੀ ਬੈਠੀ ਹੈ,ਸਾਡੇ ਪੈਰਾ ਹੇਠ, ਬਿਨਾ ਕਿਸੇ ਹੰਕਾਰ ਤੋਂ ਸ਼ਾਂਤ ਹੋ ਕੇ ।ਪਰ ਜਦੋ ਇਹ ਬੋਲਦੀ ਹੈ ਸਭ ਨੂੰ ਹਿਲਾ ਕੇ ਰੱਖ ਦਿੰਦੀ ਹੈ ।ਉਹ ਮਨੁੱਖ ਜੋ ਹੰਕਾਰਿਆ ਫਿਰਦਾ, ਫਿਰ ਇਸ ਦੇ ਡਰ ਤੋਂ ਇਧਰ ਉਧਰ ਭੱਜਦਾ ਫਿਰਦਾ ਹੈ।ਇਹ ਫਿਰ ਵੀ ਨਿਮਾਣੀ ਜਿਹੀ ਹੋ ਕੇ ਬਿਨਾਂ ਕਿਸੇ ਸਵਾਰਥ ਤੋਂ ਸਾਨੂੰ ਆਪਣੀ ਗੋਦ 'ਚ ਬੈਠਾ ਲੈਂਦੀ ਹੈ।         ਅੱਜ ਲੋੜ ਹੈ ਇਸ ਲਈ ਕੁਝ ਕਰਨ ਦੀ,ਇਸ ਨੂੰ ਸੰਭਾਲਣ ਦੀ, ਇਸ ਦੀਆ ਅਨਮੋਲ ਦਾਤਾ ਦੀ ਕਦਰ ਪਾਉਣ ਦੀ ਤੇ  ਇਸ ਦੀਆ ਜੜ੍ਹਾ ਨਾਲ ਜੁੜਨ ਦੀ। English Translation :- The thing to think about is that this earth gives us breath to live, water to drink, fruits, flowers, seeds and many more.  The matter is ours, what do we give to this thinker.  The earth will never end, we will end up being born and dying.        It h...
Read more

ਮਜਦੂਰਾ ਦੀਆ ਮਜਬੂਰੀਆ

Image
ਪਤਾ ਨਹੀ ਕਿੰਨੀਆ ਮਜਬੂਰੀਆ ਹੋਣੀਆ ਉਨ੍ਹਾ ਦੀਆ ਜੋ ਚੁੱਕ ਕੇ ਥੈਲਾ ਤੁਰ ਪਏ ਆਪਣੇ ਘਰਾ ਨੂੰ ।ਸਲਾਮ ਕਰਦਾ ਹਾਂ ਉਹਨਾ ਦੀ ਹਿਮੰਤ ਨੂੰ ਜੋ ਭੁੱਖ, ਪਿਆਸ  ਅਤੇ ਰਹਿਣ ਲਈ ਥਾਂ ਦੀ ਪਰਵਾਹ ਕੀਤੀਆ ਬਿਨਾ ਤੁਰ ਪਏ ।ਸਾਡੇ ਬੱਚੇ ਜੋ ਵਸੇ ਨੇ ਪਰਦੇਸਾ 'ਚ ਕੀ ਹੈ ਉਹਨਾ ਵਿੱਚ ਹਿੰਮਤ ਐਵੇ ਮੁੜ ਆਉਣ ਦੀ ?          ਸਾਡੇ ਲਈ ਬਣਾ ਕੇ ਦਿੱਤੀਆ ਉੱਚੀਆ -ਉੱਚੀਆ ਇਮਾਰਤਾ ਤੇ ਆਲੀਸ਼ਾਨ ਕੋਠੀਆ ।ਉਹਨਾ ਆਪਣੇ ਪੱਕੇ ਰਹਿਣ ਬਸੇਰੇ ਦੇ ਲਈ ਤਾਂ ਕਦੇ ਸੋਚਿਆ ਵੀ ਨਹੀ ।ਜਿਥੇ ਕਿਤੇ ਵੀ ਕੰਮ ਮਿਲਦਾ ਉਥੇ ਨਾਲ ਹੀ ਆਪਣੀਆ ਝੁੱਗੀਆ ਬਣਾ ਲੈਂਦੇ ।ਅਸੀ ਵੀ ਕੰਮ ਪੂਰਾ ਹੋਣ ਤੇ ਭੁੱਲ ਜਾਂਦੇ ਹਾਂ ਇਨਸਾਨੀਅਤ।ਫਿਰ ਕਿਉ ਭਾਲਦੇ ਫਿਰਦੇ ਹਾਂ ਮਜਦੂਰ ਆਪਣੇ ਖੇਤਾ ਲਈ ।ਇਕ ਰੋਟੀ ਨਹੀ ਦੇ ਸਕਦੇ, ਉਝ ਭਾਵੇ ਕਹਿੰਦੇ ਹਾਂ ਅਟੁੱਟ ਵਰਤੇਗਾ 'ਬਾਬੇ ਨਾਨਕ ਦਾ ਲੰਗਰ'।         'ਉਏ ਛੋਟੂ' ਸਬਦ ਸਾਡੇ ਨਿਕੰਮੇ ਹੋਣ ਦਾ ਦਾਅਵਾ ਕਰਦੇ ਕਿ ਅਸੀ ਪਾਣੀ ਦੇ ਗਿਲਾਸ ਲਈ ਵੀ ਉਸ ਛੋਟੇ ਜਿਹੇ ਬੱਚੇ ਤੇ ਨਿਰਭਰ ਹਾਂ ਜਿਸ ਦੀ ਉਮਰ ਖਿਡੌਣਿਆ ਨਾਲ ਖੇਡਣ ਦੀ ਹੈ।ਜਿੰਨਾ ਕੁਰਸੀ ਵਾਲਿਆ ਨੇ ਦਿੱਤਾ ਝੂਠਾ ਦਿਲਾਸਾ ਆਪਣੀਆ ਰੋਟੀਆ ਸੇਕਣ ਲਈ ।ਕੀ ਉਹ ਕਰਨਗੇ ਸਾਂਝੀ ਸਾਡੇ ਢਿੱਡ ਵਾਲੀ ਸੇਕ?  ਅਸੀ ਨਹੀ ਚਾਹੁੰਦੇ ਤੁਹਾਡਾ ਦੇਸ਼ ਬਿਮਾਰ ਹੋਵੇ ਕਿਸੇ ਵੀ ਬਿਮਾਰੀ ਨਾਲ ।"ਇਸ ਲੀਏ ਤੋ ਚਲੇ ਹੈ ਹਮ ਆਪਣੇ ਦੇਸ਼ ਕੋ।" English Translation  I ...
Read more

BEAUTIFUL THOUGHTS

Image
           🐦 ਪੰਛੀ ਕਦੇ ਵੀ ਆਪਣੇ ਬੱਚਿਆ ਦੇ ਭਵਿੱਖ ਲਈ ਆਲਣੇ ਬਣਾ ਕੇ ਨਹੀ ਦਿੰਦੇ , ਉਹ ਤਾਂ ਸਿਰਫ ਉਹਨਾ ਨੂੰ ਉਡਣਾ ਸਿਖਾਉਦੇ ਹਨ।🌷 🐢ਭੀੜ ਹਮੇਸ਼ਾ ਉਸ ਰਸਤੇ ਵੱਲ ਚਲਦੀ ਹੈ, ਜੋ ਰਸਤਾ ਆਸਾਨ ਲੱਗਦਾ ਹੈ, ਪਰ ਇਸਦਾ ਮਤਲਬ ਇਹ ਨਹੀਂ ਕਿ ਭੀੜ ਹਮੇਸ਼ਾ ਸਹੀ ਹੋਵੇ ।ਆਪਣਾ ਰਸਤਾ ਖੁਦ ਚੁਣੋ ਕਿਉਂਕਿ ਤੁਹਾਨੂੰ ਤੁਹਾਡੇ ਤੋਂ ਵਧੀਆ ਕੋਈ ਨਹੀਂ ਜਾਣਦਾ 🌟 💯ਤੁਹਾਨੂੰ ਸੱਚੀ ਖੁਸ਼ੀ ਉਦੋਂ ਮਿਲੇਗੀ ਜਦੋਂ ਤੁਸੀਂ ਹੋਰਾਂ ਨਾਲ ਮੁਕਾਬਲਾ ਕਰਨ ਦੀ ਜਗ੍ਹਾ ਆਪਣੀ ਜ਼ਿੰਦਗੀ 'ਤੇ ਧਿਆਨ ਦੇਵੋਗੇ ।✌ ✔ਜੀਵਨ ਵਿੱਚ ਜਦ ਕੁਝ ਵੱਡਾ ਮਿਲ ਜਾਵੇ ਤਾਂ ਛੋਟੇ ਨੂੰ ਕਦੀ ਨਹੀਂ ਭੁਲਣਾ ਚਾਹੀਦਾ,ਕਿਉਂਕਿ ਜਿੱਥੇ ਸੂਈ ਦਾ ਕੰਮ ਹੈ, ਉੱਥੇ ਤਲਵਾਰ ਕੰਮ ਨਹੀਂ ਕਰਦੀ।👌 ⏳ਬਹੁਤੀਆਂ ਲਾਲਸਾਵਾਂ ਹੀ ਦੁੱਖਾਂ ਦਾ ਘਰ ਬਣ ਜਾਂਦੀਆਂ ਨੇ ,ਲੋੜ ਮੁਤਾਬਿਕ ਮਿਹਨਤ ਕਰਕੇ ਰੱਬ ਨੂੰ ਚੇਤੇ ਰੱਖ ਕੇ ਜੀਵਨ ਬਤੀਤ ਕਰਨਾ ਹੀ ਮਨੁੱਖ ਦੀ ਸਭ ਤੋਂ ਵੱਡੀ ਪ੍ਰਾਪਤੀ ਹੈ।❤ English Translation:- 🐤Birds never build nests for the future of their young,They just teach them to fly.🌼  🐢Crowds always walk the path that seems easy, but that doesn't mean the crowd is always right. Choose your own path because no one knows you better than you.👍  🐎You will find true happiness when ...
Read more